Mike Tyson amepona sasa

-
MIKE TYSON AMEPONA SASA!
MEI 23, 2017, Mike Tyson, kupitia jukwaa la Salt Conference, CNN, alisema: "Sikudhani kama ningeuvuka umri wa miaka ya 30." Tyson alidhani angekufa kwa sababu alikata tamaa, kila kitu kilegeuka juu chini, akawa chapombe, mvuta bangi na mbwia unga.
Ajabu eeh! Tyson aliyashinda maisha akiwa na umri wa miaka 15. Akatwaa medali ya Olympic. Akatwaa nyingine akiwa na miaka 16. Akawatwanga "baba zake" ulingoni akiwa na umri wa miaka 18. Tyson mwenye miaka 20, alitwaa ubingwa wa dunia wa boxing. Umri mdogo zaidi kupata kutokea.
Mwenye ngumi katili. Aliyepanda ulingoni kuua, sio kuburudisha. Alikuwa na afya imara kweli. Mwaka 1985 alipigana mapambano 15 ndani ya miezi 9. Wastani wa pambano moja kila wiki mbili na alishinda yote. Ngumi zilimpenda, mashabiki walimpenda, fedha zilimkimbilia kwa fujo.
Maisha ya starehe na fujo za ujana, vilipunguza umwamba wake. Katika documentary inayoitwa "Tyson" ya mwaka 2008, Tyson alisema, mapambano ya mwishoni kabla ya kustaafu, alijilazimisha sababu ya ukata, lakini hakuwa na uwezo! Na alipigika kweli, pambano na McBride mwaka 2005, aliomba poo raundi ya sita!
Tyson alikuwa na madeni kibao na aliuza kila kitu chake cha thamani kubwa. Mijengo ya kifahari, magari, mikanda ya boxing mpaka medali zake za dhahabu.
Tyson wa kuishiwa? Mwaka 2000 pekee aliingiza dola 65.7 milioni (Sh153.7 bilioni). Hiyo ni sawa na Sh12 bilioni kila mwezi. Sh429 milioni kwa siku. Sh18 milioni kwa saa. Hiyo ni mwaka mmoja, tena wakati huo hakuwa Tyson wa kutisha.
Maisha ya kifahari huunguza pesa mithili ya petroli kwenye V8. Kuanzia mwaka 2003 Tyson alianza kuishi kwa tabu. Alipoacha kupigana ndio ikawa balaa, akawa teja.
Sikia, nyakati za maumivu na kukata tamaa, unahitaji mtu wa kukushika mkono na kukupa moyo. Angalau akwambie kwa kukunong'oneza kuwa maisha hayajafika mwisho.
Mrembo Lakiha Spicer 'Kiki' alikuwa rafiki wa muda mrefu wa Tyson. Kipindi Tyson akioneka amefulia, Kiki alimuona ni mwanaume mzuri. Aliamini anajitaji kutulizwa na kila kitu kingekuwa sawa.
Tyson alifunga ndoa na Kiki Juni 2009. Kuanzia hapo, kazi ya Kiki ikawa kumfumbua macho Tyson ili aache kulalamika giza, aone mwanga. Tyson akaanza kuyaona maisha upya.
Tangu wakati huo, Tyson ameandika vitabu na kuingiza mamilioni ya dola, ametengeneza documentaries, amecheza movie, amesaini mikataba na kuingia hisa na makampuni ya matangazo pamoja na promosheni za boxing. Kwa sasa Tyson yupo vizuri, kipesa na kiakili. Ni mtu mzima sasa. Miaka 52 kwenye akaunti ya umri. Analea vizuri watoto wake saba!
Juzijuzi alikuja na mradi wa ranchi ya bangi. Eka zaidi ya 400. Kutakuwa na hoteli. Vilevile bangi itavutwa ki-VIP na kuuzwa ki-7Star.
Anyways, mambo ya bangi achana nayo, japo ni mradi wa pesa nyingi. La kuchukua ni hili, nyakati za kujiona umefeli, unahitaji mtu akupe moyo, akwambie "maisha hayafika mwisho". Hata ukiwa vizuri sana, tambua pia maisha hayajafika mwisho. Huna wa kukwambia? Jiambie mwenyewe!
Ndimi Luqman MALOTO

Comments

Post a Comment

Popular posts from this blog

FAIDA ZA KUOA MKE ALIEKUZIDI UMRI

-
UKUMBUSHO WENYE MANUFAA* *6* *FAIDA YA KUOA MWANAMKE ALIYEKUZIDI UMRI* ``` 1⃣ :Anajiheshimu, anajiona ni mkubwa so inshu Za upuuzi hazipi nafasi. 2⃣ : Anamtii sana mumewe Kwa sababu asipomtii sana mumewe Basi ni rahisi Mume kuhisi anamdharau Kwa kuwa Na Mdogo .. Na Utii ndio tunu pekee ndani ya NDOA. 3⃣ : hawezi kumfokea au kumgombeza mumewe Kwa sababu nature ya umri. 4⃣ : hujiona tu ana wajibu mpana sana ndani ya familia, hakurupuki. 5⃣ : ni rahisi sana kusamehe, makosa ya Mume huyachukulia kama makosa ya mdogo wake. 6⃣ : Mume huwa mwangalifu sana Kwenye kuijenga nyumba yake, hakurupuki Kwa sababu atachelea Kufanya utoto Na mkewe kumcheka. 7⃣ : wakati Wa mashauriano Wanashauriana kila Mtu akiwa Kwenye Enzi yake, Mume akishikilia Kama Kichwa Cha Nyumba huku akitambua anayenishauri kaliona jua kabla yake..lazima awe makini sana. 8⃣ : Mke humstahi sana Mume wake, hamropokei nje, hujihisi atabezwa kwanini ameolewa Na mdogo so hustahi mambo mengi.. 9⃣ : Mke hujiona
Soma zaidi »www.mwagilloh.blogspot.com

HISTORIA YA KHALIFA WA PILI SAYYIDNA OMAR (R.A)

-
HISTORIA YA KHALIFA WA PILI SAYYIDNA OMAR (R.A) Omar bin Khatab alizaliwa mwaka 583 A.D ,asili ya familia yake inatokna na kabila LA Kikureish ..Katika ujana w ake Omar alikuwa maarufu ktk upiganaji .Baadhi ya wanahistoria wa kiislam wanasema Omar (r.a) alikuwa ni miongoni mwa watu wachache waliokuwa wanajuwa kusoma na kuandika ktk Mji wa Makka kabla ya kuja Uislam . Kazi yake kubwa ilikuwa ni biashara .Wakati Mtume s.a.w anateremshiwa wahy na kulingania Uislam Umar alikuwa ni adui mkubwa wa Uislam na Mtume (s.a.w). Kuslimu kwa Omar bin Khattab (r.a) Omar aliiñgia ktk Uislam mwaka wa sita baada ya Utume.Mwaka huo viongozi wa Kikureish walieka mkutano wa kutafuta mtu atakayejitolea kumuua Mtume s.a.w .Omar alisimama na kusema yeye ni mtu sahihi wa kufanya kazi hiyo. Wakati yuko njiani akiwa na panga alikutana na Sa'ad bin Abii Waqas .Omar alimwambia Sa'ad "nakwenda kumuu Mtume s.a.w .Baada ya majadiliano Sa'ad alisema " Kwanza unapaswa kushuhilikia fami
Soma zaidi »www.mwagilloh.blogspot.com

Elimu kwa wanawake

-
KUMEKUA NA DHANA POTOFU KWA BAADHI YA WANAWAKE KIPINDI CHA UJAUZITO ELIMU KWA WANAWAKE *FAIDA 10 ZA KUFANYA MAPENZI KIPINDI CHA UJAUZITO* _Mwanamke akiwa na mimba anaruhusiwa kushiriki tendo la ndoa hata kama anatarajia kuzaa ke sho yake, hakuna tatizo lolote linalomzuia kufanya hivyo, baadhi ya wanawake wamekua wazito sana kufanya hivyo kwa kua na sababu mbalimbali za kujitetea bila kujua kwamba wanazikosa faida hizi ambazo ni muhumu kiafya faida zenyewe ni kama zifuatazo_ *Husaidia uchungu mzuri na kupona mapema.* kufika kileleni wakati wa tendo la ndoa huambatana na kubana kwa misuli ya nyonga hii husaidia kuweka imara misuli ya nyonga ambayo ni muhimu sana wakati wa kusukuma mtoto na baada ya kuzaa kwani misuli hii ikiwa legevu mwanamke huweza kushindwa kuzaa kwa njia ya kawaida na hata baada ya kuzaa huweza kushindwa kuzuia mkojo usitoke wenyewe au kuvuja damu kwa muda mrefu. *Hupunguza kwenda ovyo kukojoa au kujikojolea.* Wakati wa ujauzito mtoto anapozidi kua mkubwa
Soma zaidi »www.mwagilloh.blogspot.com